【有片】拜仁大勝6比1 文尼入波創10年紀錄

2022年08月06日 10:02
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
周六(6日)凌晨德甲開鑼,上季冠軍拜仁慕尼黑即使失去射手羅拔利雲度夫基斯,但無損攻力,作客以6比1大勝法蘭克福。由利物浦來投嘅沙迪奧文尼繼德超盃入波之後,今仗又頂入1球,成為拜仁近10年以來首位喺頭2場正式賽事都有波入嘅新加盟球員。
拜仁慕尼黑開賽5分鐘,就由甘美治主射罰球入網打開紀錄,再過5分鐘班捷文柏華特射成2比0。拜仁得勢不饒人,分別由沙迪奧文尼、穆斯亞拿、基拿比各建一功,其中2球來自湯馬士梅拿嘅助攻。
沙迪奧文尼成為自2012年文迪蘇傑之後,拜仁近10年首位頭2場正式賽事都有波入嘅新兵,拜仁上半場已領先5比0。
換邊之後,拜仁表現明顯有所鬆懈,門將紐亞更加出醜,佢喺禁區外遲遲唔肯解圍,被對手高路梅安尼搶到波射入空門,為法蘭克福破蛋。戰至83分鐘,穆斯亞拿為拜仁射成6比1,個人梅開二度。
拜仁近2場正式賽事共合轟入11球,教練拿高斯文表示羅拔利雲度夫基斯離隊之後,決定改變踢法,減少傳球,令進攻更加直接,證明效果非常好。