相隔5年再戰法甲　拿卡錫迪即入波

最強博彩盤路過關神器《串績王》：http://win.on.cc/football/　

法甲周六(6日)凌晨開鑼，里昂主場以2比1擊敗新升班嘅阿些斯奧，打響頭炮，今夏約滿離開阿仙奴，重投里昂嘅前鋒拿卡錫迪，相隔5年再戰法甲，並冇生疏，射入1球12碼及1次助攻，取得好開始。

開波12分鐘，里昂打開紀錄，拿卡錫迪傳波，由迪迪射入，呢位22歲巴西前鋒10分鐘之後投桃報李，博到12碼，由拿卡錫迪主射入網。

里昂領先2球後，以為可以鬆懈贏波，點知門將安東尼盧比斯喺禁區內侵犯對手，被吹罰12碼之餘，仲領紅牌被逐，阿些斯奧由文加尼主射12碼入網，追至1比2。

不過，阿些斯奧前鋒夏蒙馬喺上半場補時攞第2張黃牌，兩黃變一紅被逐。雙方下半場各踢少1人情況下，再冇波入，里昂維持贏2比1完場。