紐尼斯來投令瓣數更多 利物浦撻着半W劫富

2022年08月06日 16:02
東網電視
更多新聞短片
最強博彩盤路過關神器《串績王》:http://win.on.cc/football/ 
上周勇奪社區盾嘅利物浦,周六(6日)晚英超第一擊強勢作客新升班嘅富咸。「紅軍」陣容變動唔大,保持默契同合作性,球員經過熱身賽同社區盾後亦漸入佳境。富咸陣容大執位,升上英超仲要時間適應,「紅軍」半場客勝值博。(Now 621及611周六晚7時30分直播)
利物浦上季獲兩冠兩亞佳績,新季保留原有班底,3線核心穆罕默德沙拿、堤亞高艾簡達拿同華基爾雲迪積克繼續領軍,上仗社區盾3比1殺退死敵曼城,可見佢哋仍維持強大統治力。事實上「紅軍」班主力夾到熟,戰術發揮同默契都爐火純青,開季即撻即着。
「紅軍」今季重點收購嘅達雲紐尼斯,喺社區盾後備上陣即入波兼博到12碼,迅速適應球隊打法,呢位烏拉圭國腳技術細膩之餘,衝刺同把握力亦強,令球隊進攻瓣數更多,面對富咸隨時又數胡。
富咸簽入安達斯彭利拿及賓特尼奴等多位新兵,實力有所提升不過適應需時,佢哋上季以強攻戰術橫掃英冠,但嚟到英超照辦煮碗未必奏效。利物浦近4次聯賽對住新升班球隊全勝,當中3次領先半場,半場客勝必捧。