球迷叫佢去加拉塔沙雷 C朗畀Like

2022年08月06日 22:15
東網電視
更多新聞短片
C朗
最強博彩盤路過關神器《串績王》:http://win.on.cc/football/ 
曼聯王牌前鋒C朗日前喺社交網上載自拍照,留言「Mood」表示自己心情靚,有球迷留言叫佢去加拉塔沙雷,竟然獲得C朗回應畀Like,網民隨即起哄,喺佢IG留言支持佢嘅決定。
呢件事最先係由一位網名xgizemlibir_genc嘅網民發起,佢叫C朗去土耳其班霸加拉塔沙雷,只係一句普通留言,但估唔到吸引到C朗注意,仲喺留言上畀Like。
C朗畀Like引發球迷起哄,紛紛留言支持C朗去土超,仲有留言話「雖然冇乜可能,但支持你去加拉塔沙雷」,就連足球網站433都整咗張P圖,C朗穿上加拉塔沙雷球衣,一切都係C朗畀Like而起,可能佢只係唔小心揩到個掣,但喺呢個敏感時刻,咩都有可能。
C朗今夏有意離開曼聯人盡皆知,佢想去一支聯賽有競爭力,又有得踢歐聯嘅球隊,可惜拜仁、巴黎、車路士已相繼拒絕,馬體會、拿玻里、士砵亭又未有下文,估唔到連加拉塔沙雷都成為目標,真係該煨。