利物浦失分原因　高普：塊地太乾

最強博彩盤路過關神器《串績王》：http://win.on.cc/football/　

利物浦今季首場英超作客僅逼和新升班球隊富咸2比2，令好多人跌爛眼鏡，賽後紅軍主帥高普直指球員比賽態度唔正確，以及球場草地太乾，亦影響球員表現，攞到1分都算可以接受。

高普話：「我哋今場踢得差，至於點解會出現呢種情況，歸根究底都係球員一開始態度唔正確，落後之下，想反攻亦唔容易，加上球場草地質素差、太乾，攞到1分算係咁，我哋唔值得有更多分。」

利物浦除咗失分之外，中場堤亞高艾簡達拿亦勇戰受傷，令傷病人數增加至7人，另外6位有傷病在身球員包括前鋒迪亞高祖達、3位中場阿歷士張伯倫、居迪斯鍾斯、拿比基達、後衞森美卡斯、中堅伊巴希馬干拿迪。中場屬於重災區，利物浦唔排除今個月會簽入中場新兵，以解燃眉之急。