熱刺爭霸再加碼　搶簽意大利「新王子」

最強博彩盤路過關神器《串績王》：http://win.on.cc/football/　

英超勁旅熱刺今個夏天大展拳腳，被睇好有機會挑戰曼城同利物浦嘅霸權，首仗大勝修咸頓4比1之後，領隊干地仲未滿足，據報佢哋仲想喺轉會窗完結前作出重磅收購，目標直指羅馬「新王子」尼高路辛尼奧路，轉會費高達6,000萬歐元！

據意大利《共和報》爆料，干地對23歲嘅尼高路辛尼奧路非常欣賞，喺羅馬簽入保羅戴巴拿後，熱刺就想嘗試簽入呢位意大利國腳。

祖雲達斯之前曾出價4,000萬歐元收購被拒，熱刺為成功搶人，據報願意用現金再加尼當比利、坦根加2名球員作籌碼，貼近羅馬開出嘅6,000萬歐元索價。

熱刺夏天已簽入李察利臣、比蘇馬、比列錫等球星，而自從意大利總監柏拉迪斯同領隊干地上任後，更加頻頻向意甲球員埋手，之前簽入基斯甸羅美路、古路斯夫斯基等都大獲好評，繼續喺意甲「尋寶」並唔意外。