【有片】C朗進場被狂噓　曼聯「大方」分享

足球博彩神器，每日重心提供盡在《彩報》：http://win.on.cc/football/　

曼聯喺英超開鑼戰主場1比2輸畀白禮頓，焦點人物C朗拿度只係後備上陣，可惜幫唔到球隊逃過輸波厄運，而且球迷似乎唔肯願諒佢要求轉會嘅行為，喺呢位葡萄牙球星熱身嗰陣大喝倒采。更加離奇嘅係，曼聯官方twitter竟然大方將呢段影片上載分享。

C朗被噓片段：https://bit.ly/3bFDjjx　

雖然安東尼馬迪爾受傷，但領隊坦哈格仍然安排C朗拿度做後備，開波前一眾球員入場熱身，本來球迷都拍手歡呼，直到C朗步出球場，所以歡呼突然變晒做噓聲，場面尷尬。C朗今夏向曼聯提出轉會要求後，以「家庭理由」缺席球隊海外集訓，唯一一場季前熱身又未完場就走，被坦哈格公開批評破壞球隊團結，球迷噓佢都係人之常情。