坦哈格被炒升上前10　紀錄顯示曼聯今季玩完

最強博彩盤路過關神器《串績王》：http://win.on.cc/football/　

曼聯開季前雄心萬丈，但首輪落敗立即將一切推翻，新主帥坦哈格改革不但遭受重大挫折，仲要開始面對下台壓力，英超被炒賠率在首場敗仗後由排名18暴升到排第10；另外有一項紀錄顯示，過去37年，首仗主場輸波嘅球隊，都無法贏得本土頂級聯賽冠軍，預視曼聯今季未開始已玩完。

坦哈格成為2014年尹戈爾後，領軍首仗即輸波嘅曼聯主帥，而佢被炒賠率亦於首仗落敗後，由33倍大幅下調至18倍，打入被炒領隊Top10。

現時英超被炒領隊最熱係愛華頓嘅林柏特，只有3倍，排第2係修咸頓嘅夏辛侯迪，有4倍，李斯特城嘅羅渣士以6.5倍排第3，第4至10位順序係馬殊、般盧拿治、柏加、馬高施華、謝拉特、杜曹同坦哈格。

曼聯開季首場輸波，仲有個不利數據，就係過去37年從未有球隊首輪主場輸波能夠奪冠，對上一隊要數到英甲年代嘅1984至85年奪冠嘅愛華頓，曼聯依家搞到一鑊粥，離奪冠可謂相當遙遠。