曼聯轉會B計劃 傾掂拉比奧特等佢阿媽答覆

20220809
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯領隊坦哈格英超第1擊輸波,即刻加多兩錢肉緊增兵救亡,收購法蘭基迪莊計劃遲遲冇進展下,據報球隊已準備行B計劃,目標係法國中場拉比奧特。據報曼聯同祖雲達斯已就1,500萬鎊轉會費達成協議,依家要同呢位法國國腳斟個人條件,不過拉比奧特阿媽兼經理人出名「麻煩」,隨時會係轉會絆腳石。
英國《The Athletic》報道,曼聯等緊法蘭基迪莊同巴塞隆拿合約糾紛嘅結果,同時亦做定第二手準備,同祖雲達斯就拉比奧特轉會進行談判,由於呢位法國中場只剩1年合約,而祖記亦希望將佢踢走,「放人」絕對冇難度,《太陽報》指兩會已就1,500萬鎊轉會費傾掂數。
不過,拉比奧特媽媽兼經理人Veronique就唔易應付,呢位「星媽」過去曾經同球會巴黎聖日耳門總監衝突、要求跟埋個仔出外集訓、強行入訓練場睇練習、公開炮轟球隊戰術同排陣等等,球圈人士都話同Veronique斟介係「噩夢」,唔少曼聯球迷都戥坦哈格擔心,送走保羅普巴後又迎接另一個「麻煩友」。