拉比奧特衰過普巴 曼聯頂得順嗎?

20220809
東網電視
更多新聞短片
拉比奧特母子
最強博彩盤路過關神器《串績王》:http://win.on.cc/football/ 
英國各大傳媒報道曼聯準備簽入祖雲達斯法國中場拉比奧特,作為未能引入法蘭基迪莊嘅Plan B,《郵報》翻查拉比奧特大量黑材料,包括遲到、夜蒲、同隊友打交、拒絕國家隊徵召等事迹,行為衰過保羅普巴,加上佢嗰位極度麻煩嘅星媽經理人,曼聯頂唔頂得順?
拉比奧特13歲曾有機會加入曼城青年軍,但因為某些協議無法達成,佢阿媽將一切叫停,拉比奧特並未加入曼城。該法國國腳脾氣甚差,先後同伊巴謙莫域及基利安麥巴比爆發衝突,拉比奧特亦承認確有其事,當中拉比奧特阿媽同麥巴比老竇對峙,原來係去年歐國盃麥巴比射失12碼。
2018年拉比奧特同麥巴比賽前會議遲到,被杜曹處罰貶為後備,2019年巴黎聖日耳門喺歐聯遭曼聯逆轉反勝出局,當晚拉比奧特被影到蒲夜店,並因此被球隊處罰停賽兩場。該球季佢因未有續約被貶落預備組,拉比奧特竟然聯絡法國足協,命令巴黎聖日耳門恢復佢一隊身份。