美斯返巴塞度假　一舉動默認明年回巢？

最強博彩盤路過關神器《串績王》：http://win.on.cc/football/　

阿根廷球王美斯雖然已經由巴塞隆拿轉投巴黎聖日耳門(PSG)1年，但佢對於呢個西班牙城市仍然念念不忘，近日又去當地度假，被記者問到有冇打算重投巴塞，佢拒絕回答，似乎想留有後路。

PSG上仗法甲以5比0大勝克萊蒙特，美斯個人梅開二度，並貢獻1次助攻，踢得非常輕鬆，佢仲把握短暫假期飛去巴塞隆拿度假，被球迷同記者「野生捕獲」。

美斯對於球迷要求簽名，有求必應，但就拒絕回應傳媒關於佢回巢巴塞嘅可能性。

巴塞會長拉波塔早前話，虧欠咗美斯，希望佢將來返回巴塞踢到掛靴，盛傳已派人同美斯嘅代表接觸。由於美斯同PSG只剩1年合約，明夏約滿的確有機會返回巴塞。