【官宣】馬賽同意簽入阿歷斯山齊士

最強博彩盤路過關神器《串績王》：http://win.on.cc/football/　

法甲球隊馬賽宣布，已經同智利國腳阿歷斯山齊士達成協議，等呢位33歲前鋒通過體測之後，就會正式同佢簽約。

阿歷斯山齊士早前同國際米蘭解約，並獲得500萬歐元賠償，可以自由身轉會，佢迅速同馬賽達成加盟協議。

阿歷斯山齊士3年前由曼聯轉投國際米蘭，為呢支意甲勁旅上陣109次入20球，同球隊一齊捧過意甲、意大利盃及意超盃，但佢大部份時間都係擔任後備。由於阿歷斯山齊士人工偏高，國米寧願賠錢送佢走「止蝕」。