唔夠弗？C朗跑贏晒曼聯隊友！

足球博彩神器，每日重心提供盡在《彩報》：http://win.on.cc/football/　

曼聯前鋒C朗拿度喺英超開鑼戰只任後備，結果球隊主場1比2輸畀白禮頓，領隊坦哈格賽後指C朗「狀態不足」係做後備嘅原因，不過曼聯官方twitter公開一幅練習期間「衝刺」相片，見到C朗跑贏晒一眾隊友，似乎狀態唔係太差喎！

據《曼徹斯特晚報》報道，曼聯周三(10日)進行操練，其中一次衝刺練習入面，37歲嘅C朗就跑贏隊友率先衝線，呢個鏡頭亦被曼聯官方twitter公開分享，而C朗亦喺自己twitter留言：「努力一定會有回報」，暗示自己狀態已回復水準。

曼聯日前舉行閉門熱身賽，C朗並冇上陣，不過喺安東尼馬迪爾因傷上陣成疑下，C朗如果可以重拾狀應，周日(14日)凌晨作客賓福特仍然好有機會復任正選。