阿仙奴力斟比比　頂替比比？

足球博彩神器，每日重心提供盡在《彩報》：http://win.on.cc/football/　

英超勁旅阿仙奴今夏大事擴軍，據報球隊仍希望喺轉會窗完結前簽多個翼鋒，代替被評「水貨」嘅尼高拉斯比比，而葡萄牙傳媒爆料，阿仙奴睇中另一個又係叫比比嘅球員，佢係嚟自波圖嘅巴西翼鋒。

葡萄牙《球報》報道，25歲嘅比比上季由甘美奧加盟波圖，消息指阿仙奴今夏曾開價2,530萬鎊收購，但被波圖一口拒絕，呢支葡超勁旅堅持除非收到比比合約內6,000萬鎊違約金，否則唔會放人。

報道指阿仙奴唔會支付6,000萬鎊，但已通知比比經理人，會密切留意佢喺今季歐聯嘅表現，唔排除之後會再度出價。阿仙奴右翼尼高拉斯比比上季長居後備，據報已被球會掛牌出售，傳聞紐卡素同西維爾都有興趣接收。