奧巴美揚上季巴塞人工　由阿仙奴找數

最強博彩盤路過關神器《串績王》：http://win.on.cc/football/　

上季中由阿仙奴轉投巴塞隆拿嘅奧巴美揚，原來佢喺巴塞半季人工共計700萬鎊，全由阿仙奴支付，而且球員將來轉會分賬收益，阿仙奴都冇份。

英國傳媒報道，奧巴美揚之所以離開阿仙奴，係因為同主帥阿迪達發生衝突，球會急住送走球員，因此佢嘅出售條件非常寛鬆，包括人工、之後轉會分帳都冇傾過。

奧巴美揚喺阿仙奴周薪高達35萬鎊，球員同意減薪轉投巴塞，周薪減至27萬鎊，但原來呢半季人工都係阿仙奴承擔，共計700萬鎊。奧巴美揚喺巴塞半季上陣23場入13球，協助球隊重返聯賽次席，竟然係免費，認真超值！

假如巴塞日後出售奧巴美揚，按慣例前球會可得一定分帳，但呢次阿仙奴分文不取，當送瘟神咁送走球員。