自己人都睇唔起　PSG的悲哀

最強博彩盤路過關神器《串績王》：http://win.on.cc/football/　

今屆金球獎30人候選名單出爐之後，最令人意外係7屆得主美斯冇份，尼馬亦名落孫山，球星如雲嘅法甲班霸巴黎聖日耳門(PSG)只有基利安麥巴比1人入選，唔少網民寸法甲根本唔入流，連「自己友」金球獎主辦機構《法國足球》都嫌棄PSG，美斯上年夏天選擇加盟PSG，已經自毀前途。

PSG陣容強大，除咗「MNM」鋒線美斯、尼馬、基利安麥巴比之外，中場馬高華拉堤、門將基安盧基當拿隆馬有份協助意大利捧上年歐國盃冠軍。

不過，呢支「偽豪門」喺本土賽事稱王稱霸，但去到歐聯就冇料到，上屆歐聯16強止步，難怪《法國足球》幫理不幫親，PSG只有基利安麥巴比入選今屆金球獎30人候選名單。

反觀皇馬、曼城、利物浦成為大贏家，3隊合共18人入選，佔超過一半，屬於真正豪門級數。麥巴比唔知有冇後悔拒絕皇馬邀請，而選擇同PSG續約呢？