祖記願接收迪比　等緊巴塞開條件

足球博彩神器，每日重心提供盡在《彩報》：http://win.on.cc/football/　

巴塞隆拿一直希望放售荷蘭孖寶迪比及法蘭基迪莊，其中迪比讓出9號球衣，亦都準備結束魯營生涯，西班牙傳媒報道，迪比同祖雲達斯達成個人協議，只等巴塞開出轉會條件。

迪比於去年夏天離開效力5季嘅里昂，加盟當時仍由朗奴高文執教嘅巴塞，不過朗奴高文開季不久被炒，改由沙維執教，迪比喺隊內重要性直線下降，簽入奧巴美揚、羅拔利雲度夫斯基後，迪比只能另覓出路。

西班牙傳媒《Relevo》報道，迪比同祖雲達斯達成個人協議，年薪接近700萬歐元，簽約2年，呢位踢過荷甲、英超、法甲同西甲嘅28歲前鋒，準備新球季征戰意甲。

迪比依家等緊巴塞回應，由巴塞與祖記之間交涉定出轉會方案，到底係免費放人，還是收取象徵式轉會費，由巴塞決定。