聯絡性感人妻　曼聯急斟莫路伊卡迪

最強博彩盤路過關神器《串績王》：http://win.on.cc/football/　

曼聯喺英超又輸1場，後防差之餘，踢2場比賽唯一入球，仲係靠對手擺烏龍，完全唔識入波，又點贏波呢，所以不斷傳出紅魔鬼要簽入前鋒，據悉曼聯會方已經聯絡「性感人妻」Wanda Nara，希望邀請佢效力巴黎聖日耳門嘅老公莫路伊卡迪加盟。

Wanda Nara除咗係莫路伊卡迪老婆，仲係呢名現年29歲前鋒嘅經理人，伊卡迪3年前由國際米蘭轉投巴黎聖日耳門之後，一直長居後備，日前更被球會下逐客令，如果呢位阿根廷射手唔轉會，就會將佢及安達靴里拉等幾位副選球員，貶落B隊，只能踢法國第5級別聯賽。

雖然曼聯表現差，但加盟紅魔鬼，點都好過踢法國第5級別聯賽，相信莫路伊卡迪應該願意成「魔」，依家就睇雙方能否就合約細節達成協議。