未獲坦哈格重用　曼聯放售占士加拿

足球博彩神器，每日重心提供盡在《彩報》：http://win.on.cc/football/　

曼聯開季踢到一鑊粥，不過坦哈格仍有佢嘅堅持，今夏由諾定咸森林回收嘅21歲小將占士加拿，始終未獲坦哈格重用，會方近日打算將佢出售，標價1400萬鎊。

占士加拿係曼聯青訓產品，不過喺一隊時間唔長，出道不久就外借屈福特，其後去咗諾定咸森林，上季協助球隊重返英超，曼聯今季將佢收回，初時佢以為可以為曼聯上陣，可惜佢真係諗多咗。

遠東集訓後，占士加拿並未獲坦哈格重用，會方對於該球員去留持開放態度，英國《The Athletic》報道，如果有合適報價，曼聯願意放人，而該小將估價為1400萬鎊，並接受外借。

報道指，愛華頓、修咸頓、列斯聯及熱刺，都有留意占士加拿動向，可謂不愁出路，不過佢曾外借嘅諾定咸森林則尚未表態。