車路士高價買哥頓　曲線救林柏特

足球博彩神器，每日重心提供盡在《彩報》：http://win.on.cc/football/　

車路士正式向愛華頓報價，收購21歲小將安東尼哥頓，報價最高可達4500萬鎊，分析指車路士咁做既可增強實力，亦間接幫林柏特增兵。

其實車路士早就睇中安東尼哥頓，認為呢位攻擊球員適合球隊所需，《天空體育》報道，愛華頓已收到車路士最新報價，4500萬鎊高價令愛華頓難以拒絕。

報道指，車路士同愛華頓就今次交易已曾私下商議，雖然愛華頓唔想放人，但車路士報價實在太吸引，林柏特一直想簽新前鋒，如能以高價出售安東尼哥頓，再用所得資金收購合用前鋒增強實力，將對球隊有利，車路士此舉亦間接幫到林柏特。