美國勢力全面進場　英超Big6有4隊係美資

最強博彩盤路過關神器《串績王》：http://win.on.cc/football/　

世界首富馬斯克揚言要收購曼聯，雖然只係講笑，但其實英超球會近年正不斷落入美國財團之手，傳統「Big6」曼城、利物浦、車路士、曼聯、阿仙奴、熱刺，已經有4隊由美國老闆話事。

美國財團一向鳳凰無寶不落，英超貴為世界最受歡迎聯賽，自然吸引美資進場，今年更出現一宗非常轟動交易，以美國富商保利為首嘅財團以25億鎊，從俄羅斯富豪阿布拉莫域上手收購車路士，令車仔避免受制裁問題牽連。

加上格拉沙家族2005年收購曼聯，芬威體育集團2010年入主利物浦，高安基2018年成為阿仙奴單一大股東，換言之傳統「Big6」已有4隊「美化」。

除此之外，阿士東維拉、水晶宮、列斯聯都有美資身影，若然馬斯克有朝一日成為曼聯班主，亦唔會令人意外。