港超聯 和富大埔深水埗友賽握手言和

2022年08月18日 13:10
東網電視
更多新聞短片
保連奴(左)今場受到對方嚴密看管。(李浚湣攝)
港超聯兩支新升班球隊和富大埔、深水埗,周四(18日)早上於廣福公園足球場正面交鋒。主場的大埔雖然有保連奴梅開二度,但最終只能與深水埗踢成2比2。
主場出擊的和富大埔,門將起用李瀚灝,加比爾、翁煦濤、羅振庭鎮守後防,陳曉鋒、鄭子森出任中場,三箭頭包括鍾偉強、王力威、保連奴。而深水埗由屠俊翹把關,梁星耀客串左閘,黎格爾、劉浩霖坐鎮中場,入球重任落在箭頭羅港威身上。
兩支地區球隊今場份外落力,深水埗憑黎格爾開賽初段的入球領先半場。易邊後突然下起大雨,但戰況卻非常激烈,54分鐘,前鋒保連奴接應翁煦濤左路傳中,禁區內力壓陳靜謙頂入,為大埔追成1比1。
66分鐘陳曉鋒右路斬中,保連奴頭槌再下一城,為大埔反超前2比1。落後的深水埗未有放棄,74分鐘把握對方後場一次失誤,後備入替的泰亞高輕鬆射破謝家榮十指關,最終兩隊踢成2比2平手。
即將在下周六(27日)出戰首輪聯賽的和富大埔,今場為球隊季前最後一場友賽,主教練李恆匯坦言球員整體發揮不俗,但仍有一定改善空間,希望能夠盡快調整:「有啲有實力嘅球員係半職,或者好似安達咁啱啱先歸隊,狀態要再提升。另外希望所有球員嘅個人能力都要改善,同埋重拾返比賽節奏,但整體上我哋都預備好開咧。」「阿匯」同時大讚今場擔正的兩名外援加比爾、保連奴,直言兩人今季對球隊相當重要。
深水埗今場成功逼和大埔,主教練潘文迪則認為球隊表現愈見進步,但距離理想中的水平還有一段距離:「好多球員都無超聯經驗,同埋又比較後生,正選同後備暫時實力都仲有啲差距,希望佢嘅快啲進返個進度。不過整體嚟講我係好欣賞班球員嘅態度,佢哋好願意執行我嘅戰術,同埋好有熱誠。」