浪漫求婚！蘭斯達爾迎娶索空姐

足球博彩神器，每日重心提供盡在《彩報》：http://win.on.cc/football/　

阿仙奴今季英超開季2連勝，門將蘭斯達爾日前再有喜訊傳出，佢喺社交網宣布向女友艾雲求婚成功，即將成為「人夫」。

蘭斯達爾今次求婚行動勁有心思，佢帶艾雲去到一間精心布置嘅房間後，立即單膝下跪送上求婚戒指，間房除咗佈滿白色氣球同鮮花外，仲有大大個「MARRY ME？」燈箱，艾雲見到後非常驚喜，最後答案當然係YES啦！

26歲嘅艾雲來頭唔細，佢本身係英國航空嘅空姐，同時亦係運動品牌Gymnetix嘅老闆之一，佢嘅IG有大量性感比堅尼照片，而且不時周遊列國，IG粉絲數都有1.1萬個。