35萬鎊周薪+6000萬鎊轉會費　曼聯得「米」

最強博彩盤路過關神器《串績王》：http://win.on.cc/football/　

曼聯開咧連輸2場後，盡地一煲喺轉會市場尋找救命靈丹，據歐洲各大權威媒體報道，「紅魔鬼」收購皇家馬德里中場卡斯米路進展理想，曼聯除咗出動6,000萬鎊轉會費外，仲向已經30歲嘅卡斯米路開出35萬鎊周薪嘅5年長約，好大機會成事。

轉會權威記者Fabrizio Romano同多間媒體報道，曼聯開出轉會費連獎金總值6,000萬鎊，皇馬方面將會接納，而為令卡斯米路答應過檔，「紅魔鬼」更答應開出多1倍人工嘅35萬鎊周薪，令佢成為C朗(48萬鎊周薪)、迪基亞(37.5萬鎊周薪)後，陣中第3高薪球員。

曼聯領隊坦哈格今個夏天一直想簽中場，但收購頭號目標法蘭基迪莊失敗，轉斟拉比奧特亦喺最後關頭告吹，所以對卡斯米路係志在必得。巴西中場卡斯米路效力皇馬接近10年，期間曾5奪歐聯冠軍，佢嘅加盟將令曼聯戰鬥力大大提升。