普巴失咗蹤？祖記教練：最近冇見過佢

足球博彩神器，每日重心提供盡在《彩報》：http://win.on.cc/football/　

保羅普巴今夏以自由身由曼聯轉投祖雲達斯之後，唔止事業冇起色，仲直插谷底，除咗受傷之外，近日更同兄弟反目，互數衰嘢。祖記教練阿里基亦承認最近冇見過呢位法國國腳，只能寄望佢下周歸隊操練。

阿里基被問到普巴情況時，佢話：「保羅仲未踢得比賽，但如果一切順利，佢下周應該可以開始跑步，希望佢到時歸隊，佢係球隊重要一員，現時有部份球員同球隊分開咗，我最近冇見過普巴。」

另外，阿里基透露喺首輪聯賽受傷嘅迪馬利亞已經痊愈，可以喺周四(9月1日)凌晨意甲候命，主場對史柏斯亞，但呢位阿根廷老將屆時會先任後備。