冇被禁錮　普巴現身睇祖記贏波

最強博彩盤路過關神器《串績王》：http://win.on.cc/football/　

周四(1日)凌晨意甲，祖雲達斯憑杜辛華荷域、米利克各入1球，主場以2比0擊敗史柏斯亞，但主角係場邊嘅保羅普巴。呢位法國國腳日前聲稱曾遭持槍匪徒禁錮兼勒索1,100萬鎊，佢依家可以現身，證明已經安全。

開波9分鐘，祖雲達斯由杜辛華荷域射入罰球，打開紀錄，呢位22歲塞爾維亞國腳連續2場射入罰球。不過，祖記要等到補時，先至由後備上陣嘅新兵米利克射成2比0，結束2連和悶局。

企喺邊場嘅保羅普巴成為焦點人物，佢今季以自由身由曼聯轉投祖雲達斯，因傷仲未上陣過，日前更爆出同兄弟反目，佢聲稱曾遭持槍匪徒禁錮兼勒索1,100萬鎊，並已經報警，事件曝光後，普巴首次現身，證明佢活動自由，已經安全。

祖雲達斯教練阿里基早前透露保羅普巴下周可以開始進行跑步訓練，仍然有望趕及出戰11月舉行嘅世界盃。