4大球星倒戈巴黎 阿里基搵「間諜」攞料

2022年09月05日 18:01
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
祖雲達斯喺歐聯H組第一擊作客巴黎聖日耳門(PSG),雖然牌面上唔及對手,不過教練阿里基就有4個「間諜」可以提供情報,包括今夏由PSG過檔嘅迪馬利亞同里安度柏利迪斯,加上拉比奧特同摩斯堅恩兩個前PSG球員,對祖雲達斯部署或有幫助。
據《都靈體育報》報道,阿里基為準備呢場大戰,專登問4位前PSG球員意見,希望收集到有用情報,尤其迪馬利亞同里安度柏利迪斯唔單止喺PSG效力多年,同美斯亦係阿根廷國家隊隊友,對「球王」非常熟悉。至於拉比奧特本身係PSG青訓產品,而摩斯堅恩就曾以借將身份效力過PSG一年。
同樣曾經效力過兩隊嘅法國中場馬度迪,賽前就分析:「祖雲達斯簽入迪馬利亞係頂級收購,佢係與別不同嘅球員,我未同里安度柏利迪斯做過隊友,但知道佢係個出色球員。PSG有美斯、麥巴比同尼馬,如果有人可以困得住佢哋,呢個人好可能就係阿里基。」