橋唔怕舊！白禮頓斟「樸達二世」執教

最強博彩盤路過關神器《串績王》：http://win.on.cc/football/　

白禮頓近年表現突出，今季開咧更加名列前茅，不過領隊樸達突然被車路士挖走，令球隊要另覓領軍人選。據報白禮頓睇挪威籍領隊洛特臣，佢同樸達嘅執教風格同出身都有唔少相似之處，被視為「樸達二世」。

樸達嚟英國執教前，曾經喺瑞典教過7年，將奧斯達辛斯由第4級聯賽帶到上瑞典超，並喺歐洲賽有好表現。白禮頓今次睇中53歲嘅洛特臣，喺2018年執教啱啱升班嘅波杜基林特，但喺2020年、2021年連續2年稱霸挪超，上季更加喺歐霸盃殺入8強，相當唔簡單。

英國《每日郵報》報道，白禮頓希望搵一個風格同樸達相近嘅領隊，進一步發展球隊已經建立嘅良好根基，而薩克達嘅意大利籍教頭迪薩比亦係候選人之一。