德甲變天！柏林聯史上首次做一哥

最強博彩盤路過關神器《串績王》：http://win.on.cc/football/　

周日(11日)晚德甲柏林聯作客以1比0擊敗科隆，別具意義，因為係柏林聯史上首次穩坐德甲榜首之位，第2位係弗賴堡，反觀傳統班霸拜仁慕尼黑僅排第3位，今季德甲出現大變天。

今場開賽3分鐘，科隆中堅侯巴斯就擺烏龍，柏林聯「幸運」領先後，繼續向對手施壓，踢到10分鐘獲得12碼，但前鋒施爾巴特捷奧主射宴客，加上另1位前鋒碧加入波被吹越位，柏林聯未能拉開紀錄，維持贏1比0完場。

由於同日弗賴堡主場僅打和慕遜加柏0比0，造就柏林聯以1分優勢力壓弗賴堡，穩坐榜首之位。柏林聯2019年升上德甲後，表現愈來愈好，上季獲得第5名，幾乎可以取得歐聯入場券，已經令人刮目相看。

柏林聯今季再接再厲，踢6場聯賽取得4勝2和，包括打和上季冠軍拜仁慕尼黑1比1，成績絕對係真材實料，相信今季德甲唔再係拜仁獨大嘅「拜超」，令欣賞指數大增。