A山大翻身 6場法甲入4球
20220912
東網電視
更多新聞短片
最強博彩盤路過關神器《串績王》：http://win.on.cc/football/
今夏由國際米蘭轉投馬賽嘅阿歷斯山齊士大翻身！呢位33歲智利老將上仗法甲又入1球，協助馬賽以2比1擊敗里爾。
A山今季法甲6次上陣已有4球進帳，仲多過效力曼聯2季英超總入球，表現脫胎換骨，馬賽將於周三(14日)凌晨歐聯主場對法蘭克福，靠晒阿歷斯山齊士數胡。
阿歷斯山齊士3年前由曼聯轉投國際米蘭，但表現未如理想，上季意甲上陣27次僅入5球，結果今夏被國米解約，自由身加盟馬賽，獲得重生頻頻取得入球。
A山話非常感謝馬賽教練杜陀對佢嘅信任，畀佢有足夠上陣時間發揮，愈踢愈有信心，認為自己狀態非常好。
阿歷斯山齊士上場歐聯停賽，無緣對熱刺，可於周三(14日)凌晨歐聯復出鬥法蘭克福，成為球隊爭勝重要武器。