曼聯出副選　炒唔起舒列夫

最強博彩盤路過關神器《串績王》：http://win.on.cc/football/　

歐霸盃E組賽事，首仗落筆打三更嘅曼聯，遠征摩爾多瓦作客鬥舒列夫。「紅魔鬼」為保出線希望，勢必穩陣求勝，加上C朗拿度狀態低迷，一眾後備球員亦踢唔出領隊坦哈格嘅風格，面對舒列夫未必有太大優勢，2.5球嘅入球細更有可取之處。（Now 643周五凌晨零時45分直播）

曼聯轉會窗完結前引入安東尼馬菲奧斯及卡斯米路等高質新兵，近期演出逐步重返正軌。不過上輪分組賽主場0比1輸畀皇家蘇斯達，證明一班後備球員未能承接復甦之勢。

C朗喺歐霸盃擔正，但佢嘅狀態及踢法同現有戰術格格不入，今季仍未入過波，要靠佢撕破主隊防線並唔容易。曼聯近5仗歐洲賽，總入球全開2球或以下，證明球隊入球能力不足。

主隊守勢波望搶分

舒列夫首仗3比0大勝尼科西亞，目前高踞榜首，如果可以喺曼聯身上搶分，對爭出線甚有幫助，預料佢哋會大踢守勢波作制衡，尤其曼聯舟車勞頓飛去摩爾多瓦，體力難免輸蝕，不如博入球細好過。