車路士閉門熱身贏波 樸達有收穫

2022年09月18日 21:30
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
車路士聘請樸達執教後,首次領軍只能夠喺歐聯打和薩爾斯堡,由於今個周末對利物浦嘅聯賽延期,為確保球員可以透過比賽保持狀態,周六(17日)特別安排一場閉門熱身賽,最終車路士2比1小勝樸達舊東家白禮頓。
車路士對利物浦聯賽延期後,英超亦暫停讓路國際賽,車仔下場比賽要去到10月1日作客水晶宮,樸達特別搵白禮頓嚟踢閉門熱身,事關白禮頓原定今個星期對水晶宮嘅聯賽同樣延期。車路士喺歐聯對薩爾斯堡有份上陣嘅球員今場都休息,但仍有基斯甸普列錫、干拿加歷查、保查等球星上陣。
樸達喺今場熱身賽都有收穫,18歲中場新星卓克禾美卡個人包辦2球,協助車路士贏2比1,呢位英格蘭小國腳今夏加盟車路士後,仍未有機會喺一隊上陣,向來鍾意提拔新人嘅樸達,經過今場後或者會畀機會佢上陣。