洛里斯受傷退出法國 鬥阿仙奴上陣成疑

20220920
東網電視
更多新聞短片
最強博彩盤路過關神器《串績王》:http://win.on.cc/football/ 
法國足總周一(19日)宣布,門將洛里斯因受傷關係已離開國家隊集訓,周五(23日)凌晨對奧地利對下周一(26日)凌晨對丹麥2場歐國聯都唔能夠上陣,不過熱刺方面更加擔心,事關佢哋下場聯賽就係「北倫敦打吡」對阿仙奴,洛里斯趕唔趕得切復出係未知數。
35歲嘅洛里斯返去法國報到,軍醫檢查發現佢右腳大腿有輕微傷患,唔能夠喺之後2場歐國聯上陣,所以畀佢返英國療傷,法國領隊迪甘斯已即刻補選南特門將拿方特代替,預料AC米蘭門將邁治蘭會正選上陣。
熱刺喺英超復賽首仗,就會喺10月1日作客死敵阿仙奴,洛里斯最大目標係喺呢場「北倫敦打吡」復出,熱刺領隊干地就話有信心洛里斯可以趕及上陣,萬一佢真係唔能夠上陣,今夏加盟嘅賴恩科士打就會頂上。