阿仙奴天才未夠秤簽約　曼聯準備搶人！

足球博彩神器，每日重心提供盡在《彩報》：http://win.on.cc/football/　

阿仙奴周日(18日)作客3比0大勝賓福特，只有15歲181日大嘅華尼利後備登場，成為英超史上最年輕上陣球員，不過「兵工廠」依家面對一個難題，由於華尼利仲未夠秤簽約，令其他球會有機可乘，曼聯、曼城、利物浦同車路士都虎視眈眈。

英國《每日郵報》報道，華尼利喺14歲已經「跳級」踢阿仙奴U18，受到領隊阿迪達好高評價，但佢要到明年3月16歲生日，先可以簽署學徒球員合約，再等多1年夠17歲先可以簽職業球員合約，依家呢段時間就係其他球會挖角好機會，報道指曼聯同利物浦最有興趣，而曼城同車路士都密切注意事態發展。

踢進攻中場嘅華尼利，喺英超歷史性登場後，依家已經跟英格蘭U17飛去波蘭比賽，預計之後會主力踢返阿仙奴U18同U21，或者喺歐霸盃分組賽亦有機會再度上陣。