【官宣】大簡教賓尼雲圖　意乙雲集世界冠軍

足球博彩神器，每日重心提供盡在《彩報》：http://win.on.cc/football/　

前中國國家隊教練簡拿華路，周三(21日)晚正式落實回歸意大利執教，同意乙球會賓尼雲圖簽約2年。「大簡」嘅加盟亦令近年星光熠熠嘅意乙更有睇頭，甚至雲集咗5位世界冠軍球星！

簡拿華路自2011年掛靴後，執教生涯一直喺亞洲發展，包括執教過2支中超球隊天津權健及廣州恒大，亦曾兼任中國國家隊主帥，今次執教賓尼雲圖係首次返意大利教波。

簡拿華路係2006年意大利贏世界盃冠軍嘅隊長，佢今次喺意乙會遇上唔少舊戰友，當年射手恩沙基目前係里賈納教練、左閘格羅素就係費辛隆尼主帥，傳奇門神保方更加仲未退休，仍然為帕爾馬把關，加上今夏加盟科木嘅西班牙2010年世盃冠軍功臣法比加斯，令意乙嘅世界冠軍人數增加到5人。