德國2大主力確診　無緣鬥英格蘭

最強博彩盤路過關神器《串績王》：http://win.on.cc/football/　

德國足總周三(21日)發出聲明，證實陣中2位主力紐亞同哥列斯卡，喺近日測試確診新冠肺炎，2人已即時離開大軍酒店進行隔離，將會錯過周六(24日)凌晨對匈牙利、以及下周二(27日)凌晨作客英格蘭兩場歐國聯大戰。

據報德國其中一名國腳嘅朋友圈有人確診，軍醫即為全隊進行檢測，結果發現紐亞同哥列斯卡確診，呢2位拜仁慕尼黑球星都係國家隊主力，缺陣影響唔細，德國領隊費歷克已補選賀芬咸門將奧利華包文；由於德國另一中場祖利安白蘭特亦因傷退退，德國之後再宣布徵召禾夫斯堡中場麥斯美艾洛特入伍。德國目前喺歐國聯A3組，以4戰1勝3和成績排第2位。