蘇格蘭大勝成林柏特噩夢 柏達臣重傷!

2022年09月22日 11:07
東網電視
更多新聞短片
最強博彩盤路過關神器《串績王》:http://win.on.cc/football/ 
周四(22日)凌晨歐國聯B1組賽事,蘇格蘭主場3比0大勝烏克蘭,以4戰得9分殺上榜首,有望下屆升班A組賽事。不過蘇格蘭呢場大勝,竟然愛華頓領隊林柏特噩夢,事關右閘尼敦柏達臣今場重傷要由擔架抬離場,可能又要休息一段長時間。
蘇格蘭今仗26分鐘就「出事」,20歲新星尼敦柏達臣喺一次爭波後落地受傷,最初佢都嘗試自己行出去,但之後發覺唔掂,要由擔架將佢抬離場。蘇格蘭未受變陣影響,70分鐘由約翰麥甘尼打破僵局,尾段再由後備上陣嘅賴登戴基斯連入2球,大勝3比0。
據報尼敦柏達臣疑似膝部韌帶受傷,如果屬實休息期將長達數個月,對愛華頓嚟講係一大打擊。愛華頓今年1月用1,100萬鎊收購尼敦柏達臣,但佢4月受傷提早咧,今季復出後成為愛華頓主力,開季7場聯賽都以正選登場,點知再受傷患打擊,認真黑仔。