阿仙奴空歡喜　大數據分析曼城84.4%捧英超

最強博彩盤路過關神器《串績王》：http://win.on.cc/football/　

阿仙奴今季英超表現大勇，目前7戰6勝1負排榜首，力爭重奪失落多年嘅聯賽冠軍，不過著名數據網站squawka透過大數據分析，計算出曼城最大機會成為冠軍，比率高達84.4%，反觀兵工廠只有3.2%機會捧盃，仲低過今季大跌Watt嘅利物浦。

根據近年數據，曼城的確佔有壓倒性優勢，過去5季英超有4季由「藍月亮」奪冠，今季7場聯賽取得5勝2和，僅少於阿仙奴1分。

同埋曼城一向以後勁凌厲見稱，攻力非常強勁，7場聯賽入23球，射手艾寧夏蘭特大勇，包辦其中11球，的確好大機會反超前阿仙奴。

至於上季亞軍利物浦仲有11.3%機會奪冠，僅次於曼城，相信主要受到球隊近年整體成績好，而被高估。

相反阿仙奴近年經常前4不入，加上對上1次奪得英超冠軍已經係2003/04年球季，數據上比較輸蝕。

其他球隊奪冠機會，熱刺以0.53%排第4，車路士以0.49%排第5，曼聯以0.03%排第6。