香港隊 謝家強、余在言及簡嘉亨力爭首次主場獻技

2022年09月22日 19:12
東網電視
更多新聞短片
香港足球代表隊周六(24日)於香港大球場友賽緬甸,當中後衞謝家強(Sean)、前鋒余在言(Jesse)及翼鋒簡嘉亨3名球員,更有機會首次在港隊球迷面前獻技,賽前難免感到興奮,希望屆時球迷可以落力為他們打氣!
在本地球壇征戰多年的港愛混血球員謝家強(Sean),去年終獲批特區護照,並在今年6月份的「亞洲盃」外圍賽獲得徵召,3場賽事皆以正選姿態上陣,成為港隊晉級一大功臣。過去幾個月隨港隊南征北討,Sean不忘分享個人認為最值得回味一刻:「自己嘅港隊地標戰當然係最深刻,但可以幫助港隊相隔54年後再闖決賽周,成功達成呢個目標,對球隊和球迷都係一件大事,呢兩樣嘢相信係我大港腳生涯至今的閃耀時刻。」
早前隨港隊完成「東亞盃」後,現時為自由身球員的Sean,亦趁「空檔期」回到英國與家人團聚:「雖然有多支亞洲球隊向我招手,但自己都有成14個月冇見過老婆同囝囝啦,都想享受同屋企人相處嘅時光。」對於有機會在主場球迷面前獻技,Sean表示自己難掩興奮之情:「港隊好耐冇喺主場球迷面前比賽,今次意義重大,另外我認為為代表隊出賽嘅機會好重要,如果我係弗嘅,就當然應該要去踢,呢個係我嘅選擇。」惟他透露家人皆身處英國未能到場支持,難免留下多少遺憾:「期待日後屋企人入嚟球場,睇住我着港隊戰衣出賽。」
謝家強檔案
出生日期:1992年5月3日(30歲)
身高:1米85
司職:中堅、防守中場
球衣號碼:4
代表港隊上陣次數:7次
現效力球隊:自由身
現時效力冠忠南區的簡嘉亨,並非港隊新面孔,今年已先後出戰「亞洲盃」外圍賽及「東亞盃」,不過他承認在主場出戰有更大喜悅,自己會更加珍惜這次機會:「唔係成日都會有代表香港比賽嘅機會,而有香港球迷支持我哋係一件好事,因為我哋會更加開心,更加想踢好啲。」
一直視披上港隊戰衣為目標的「阿亨」,是其中一名被寄望甚殷的小將,他明白要繼續入選,就一定要維持出色發揮:「最緊要有好表現,因為喺香港隊入面,如果你嘅表現唔夠好,就有第2個球員會頂上。」自莊恩安達臣成為港隊主教練後,球隊的踢法便一直獲得好評,如今港隊即將於香港大球場,在一眾球迷面前獻技,「阿亨」認為這場賽事相當重要,期待自己可以有更好表現:「暫時狀態都算可以,希望有多啲落場機會同埋正選踢,球迷亦可以繼續為我哋打氣。」
簡嘉亨檔案
出生日期:2000年10月3日(21歲)
身高:1米74
司職:翼鋒
球衣號碼:17
代表港隊上陣次數:8次
現效力球隊:冠忠南區
年僅20歲的余在言早前6月在「亞洲盃」外圍賽,才初次為大港腳上演「地標戰」,以往未曾在香港大球場比賽的余在言,坦言自己一直期待已久:「我成日喺大球場睇波,最深刻就係2014年香港對阿根廷嘅友賽,成日都幻想究竟自己落場踢會點,依家終於有依個機會,好幸運教練肯選我入隊。」
港隊曾在5月份的友賽與緬甸交手,Jesse認為對方球員雖然當時狀態未足,行軍速度卻很快,踢法亦甚具組織性,在場上相當團結,因此絕對不能掉以輕心。對於首次在一眾港隊球迷的吶喊聲下作賽,Jesse承認感到既興奮又期待,但同時亦有一點壓力,希望可以踢一場好波送給觀眾,而個人目標則希望爭取上陣機會,盡量吸收國際賽經驗及爭取入球。
余在言檔案:
出生日期:2001年10月8日(20歲)
身高:1米69
司職:進攻中場、前鋒
球衣號碼:14
代表港隊上陣次數:2次
現效力球隊:標準流浪