曼聯財報狂蝕 總監認「使大咗」宣布閂水喉

20220923
東網電視
更多新聞短片
最強博彩盤路過關神器《串績王》:http://win.on.cc/football/ 
英超勁旅曼聯周四(22日)公布2021/22年財政報告,無論虧損同負債都大幅增加,最大原因係球員薪酬開支急升,單係C朗拿度嘅周薪就達到50萬鎊,令「紅魔鬼」成為英超史上最高人工開支球隊。曼聯總監梅托表示球會今個夏天「使大咗」,宣布嚟緊會「閂水喉」,對領隊坦哈格無疑係一大噩耗!
曼聯財報顯示,球會上季淨虧損高達1.15億鎊,比對上一年受疫情影響嘅8,740萬鎊虧損更多,主要原因係球員薪酬開支急升,3名新球員C朗(50萬鎊周薪)、查頓辛祖(35萬鎊周薪)同華拉尼(35萬鎊周薪)都係陣中最高薪行列,令曼聯上季總薪酬開支去到3.84億鎊,打破曼城保持嘅3.54億鎊英超史上最高紀錄。
除咗斥巨資買人、支付球員人工之外,炒領隊蘇斯克查同提前終前蘭歷克顧問合約,令球會多花2,470萬鎊嘅遣散費,隨住球會不斷蝕錢,曼聯上季負債增加9,540萬鎊,總負債達到5.15億鎊!曼聯今夏動用破球會紀錄嘅2.2億鎊買人,而且又失落歐聯賽事,嚟緊一季財政報告都好「危」。
曼聯公報財政報告後,總監梅托表示:「我哋夏天對球隊陣容作出重大投資,支持坦哈格繼續組軍之餘,亦要確保財務穩定,總括而言,曼聯夏天嘅買人計劃係比預期中行前好多,未來幾個轉會窗,我哋唔會預期再有咁高水平嘅投資。」