摩連奴型爆拍MV　出埋經典金句

最強博彩盤路過關神器《串績王》：http://win.on.cc/football/　

「寸王」摩連奴上季教羅馬成績突出，佢嘅個人形象亦係現今球壇最鮮明教頭之一，英國著名饒舌歌手Stormzy，最近就請佢幫手喺MV客串，摩連奴擺出一副食指放口嘅高傲表情，首歌入面仲有埋佢親自演繹自己金句，非常型仔！

Stormzy嘅新歌《Mel Made Me Do It》最近推出，10分鐘嘅MV有唔少體育元素，「飛人」保特、短跑女將Dina Asher-Smith同摩連奴都有份客串，其中最矚目嘅係「寸王」嗰部份，佢MV入面造型貫徹番自己「高傲」嘅人設，歌詞入面亦有「我不想像摩連奴一樣說話」，呢位羅馬教練「佔戲」唔少！

除此之外，MV內亦收錄摩連奴批評球證嘅經典金句：「我唔想講嘢，如果我講嘢，我就會有好大麻煩」。摩連奴亦有喺自己IG貼出同Stormzy嘅合照，為新歌幫手宣傳，「寸王」果然識做！