英超獎金勁誇張　排包尾都袋1億鎊！

最強博彩盤路過關神器《串績王》：http://win.on.cc/football/　

英超公布上季(21/22球季)獎金分布，冠軍曼城總收入高達1.53億鎊，不過英超向來實行嘅平均財富政策，令所有參賽球隊都確保有豐厚收入，所以排包尾嘅諾域治都有超過1億鎊收入，成為史上第1間排包尾但賺逾1億鎊嘅球隊。

英超嘅獎金分配計劃，有差唔多18億鎊係畀20隊平分，每隊至少分到約8,800萬鎊，之後再根據成績同電視直播次數「分紅」，捧盃嘅曼城拎到約4,100萬鎊「表現獎金」，包尾嘅諾域治就只有200萬鎊，亦係總獎金出現分野嘅最重要地方。

直播場數方面，利物浦同阿仙奴各有29次直播，分別拎到2,500萬鎊獎金，而3支降班球隊同埋修咸頓只有12場直播紀錄，都有超過1,100萬鎊獎金。上季英超總獎金高達25億鎊，難怪隊隊都喺轉會市場變晒大豪客。