葡萄牙預選世盃55人 C朗獲派定心丸

2022年09月23日 17:11
東網電視
更多新聞短片
最強博彩盤路過關神器《串績王》:http://win.on.cc/football/ 
葡萄牙近年人才輩出,37歲老將C朗拿度今季又喺曼聯長坐冷板,令人擔心佢嘅國家隊地位受到動搖,不過葡萄牙領隊費蘭度山度士日前大派定心丸,表明C朗就算喺球會上陣時間減少,都唔會影響佢喺葡萄牙嘅位置。
C朗今季英超只踢過207分鐘比賽,而且冇入過波,歐霸盃2仗擔正並只係靠12碼入1球,狀態明顯不足,但費蘭度山度士就話:「我從來冇擔心過C朗喺曼聯嘅上陣時間問題,同其他球員一樣,我會去了解C朗依家嘅環境,但我相信冇人會質疑C朗繼續為葡萄牙貢獻嘅能力。」
葡萄牙9號位嘅人選,仲有祖奧菲歷斯同安達施華,但佢哋表現都唔足以證明自己比C朗優勝,費蘭度山度士更表明佢已開始為世盃點兵,而且有幸福的煩惱:「我依家準備緊一份55人初步名單,要喺咁多好球員入面選擇已經好頭痛,何況最後只有26個?當然有55人揀點都好過得20人揀,呢個煩惱屬於幸福嘅煩惱。」