香港隊 初次入選大港腳 亞歷斯祖:學到好多嘢

2022年09月23日 17:30
東網電視
更多新聞短片
(李浚湣攝)
今次港隊友賽決選名單中,亞歷斯祖(Alex)僅惟一首次入選球員,這位23歲代表隊新面孔,認為與港隊主教練莊恩安達臣合作機會非常難得,隨隊短短幾日操練,他坦言自己已經收穫良多,並深信入選大港腳,證明自己努力沒有白費。
「收到入選消息一刻我好開心,因為過去幾季,我都係向住呢個目標努力。」Alex去年入選港隊23歲以下代表隊,並隨隊出戰「U23亞洲盃」外圍賽,不足1年過後,更徵召入大港腳名單。因為疫情關係,過去一季港超腰斬,Alex今年鮮有比賽機會,最近一次上陣是本月初隨東方龍獅出戰「亞協盃」跨區4強戰,他承認自己需要重新適應香港的天氣,但仍對有機會取得代表隊首頂喼帽非常期待:「有得為港隊披甲係一大榮幸,會唔會上陣係教練嘅決定,但如果做到,就證明我係向住正確嘅方向發展,我想繼續進步,盡力踢出最高水平。」
港隊在主帥安達臣帶領下,前場逼搶風格鮮明,賽場上進取的踢法,少不了平時高強度的艱苦訓練,對此Alex已深有體會,惟他表示自己很享受這個過程:「安達臣嘅魄力會令你充滿能量,佢嘅要求好高,每日都要大家要全力投入,港隊訓練嘅強度當然唔小。但他經驗豐富,仲喺頂級聯賽踢過波,我好希望可以同咁樣嘅教練合作,每日訓練我都學到好多嘢。」