阿拉巴捐款起廁所 造福居民

2022年09月23日 20:05
東網電視
更多新聞短片
阿拉巴
足球博彩神器,每日重心提供盡在《彩報》:http://win.on.cc/football/ 
奧地利國腳阿拉巴早前向祖家尼日利亞捐款,在當地修建一坐公廁,捐款數字為1330萬奈拉,折合3.1萬美元,雖然金額唔多,但勝在到位,造福居民。
呢座廁所修建完成後,早前仲有開幕儀式,阿拉巴向當地居民贈送多件皇馬球衣,當地人相當高興,更估唔到嘅係,呢件事喺網上引起頗大迴響,當地網民都大讚阿拉巴好有心,並無忘本。
原來阿拉巴出身絕不平凡,佢父親係尼日利亞部落王子,阿拉巴喺奧地利出世,並成為奧地利國腳,後來加盟拜仁打出名堂,贏過好多錦標,上季過檔皇家再贏西甲同歐聯,名成利就。
阿拉巴係奧地利籍,同時亦係部落王族後裔,佢特意捐款返尼日利亞做慈善,受到民眾愛戴,據講阿拉巴仲會成立足球訓練中心,喺當地提拔足球人才。