蘭歷克收購名單曝光 曼聯高層有冇後悔?

20220923
東網電視
更多新聞短片
蘭歷克(Getty Images)
足球博彩神器,每日重心提供盡在《彩報》:http://win.on.cc/football/ 
英國傳媒爆料,曼聯今夏領隊交替期間,上任看守領隊蘭歷克曾與新上任嘅坦哈格交換意見,給予增援建議,列出5人增援名單,該5人名單當中就包括艾寧夏蘭特,但曼聯一個都冇考慮,依家睇番都幾揼心。
雖然蘭歷克喺曼聯教波成績麻麻,但佢睇人眼光獨到,今年初接任初期就曾表示「曼聯要換10個球員」,後來佢卸任領隊職位,準備轉當顧問,亦有同坦哈格交流畀意見,而且建議增援名單個個猛料,人選計有:艾寧夏蘭特、曹亞文尼、RB萊比錫三寶尼干古、干拉特賴馬,同埋加華度爾。但坦哈格眼中只有法蘭基迪莊,蘭Sir嘅提議一個都冇要。
艾寧夏蘭特唔使多介紹,佢今夏加盟曼城立即爆發,開季至今各項賽事入咗14球,多過曼聯全隊入球總數,至於曹亞文尼,當曼聯簽入卡斯米路之後,呢位法國小將直接出任皇馬中場核心,成功換班,證明能力上乘,仲有極佳發展潛力。
至於RB萊比錫三寶尼干古、干拉特賴馬、加華度爾仲可以斟介,不過曼聯因為超支已宣布閂水喉,無力出手。