玩到咁大？修夫基自己用聲譽支持馬古尼

足球博彩神器，每日重心提供盡在《彩報》：http://win.on.cc/football/　

英國傳媒報道，英格蘭領隊修夫基決定全力支持哈利馬古尼，準備押上自己聲譽作擔保。

消息指，馬古尼將喺今場歐國聯對意大利正選上陣，雖然佢喺曼聯已失去正選地位，但修夫基仍然堅信，馬古尼可以喺世盃前重拾狀態，並認為佢係英軍防線最佳選擇。

修夫基認為馬古尼相當重要，並相信自己判斷冇錯，以自己聲譽作擔保：「如果我哋有經驗豐富球員加入競爭，而且水平比佢更好，咁就唔同講法，不過目前馬古尼係隊中高波最具統治力嘅中堅，佢對我哋非常重要，我必須支持最好嘅球員。」

不過事實係，馬古尼喺曼聯已淪為後備，就算喺歐霸盃都唔敢點用佢，至於英格蘭喺歐國聯出現降班危機，有球迷向修夫基柴台，情況不妙，但修夫基堅持信任馬古尼，相當大膽。