英足總起訴C朗「打細路」 或重判停賽7場
20220924
東網電視
更多新聞短片
(Getty Images)
最強博彩盤路過關神器《串績王》：http://win.on.cc/football/
英格蘭足總宣布，就曼聯球星C朗今年4月故意打走1位愛華頓小球迷嘅手機一事，向呢位葡萄牙國腳作出起訴，一旦罪成，C朗可能被判罰停賽。
曼聯今年4月英超作客0比1不敵愛華頓後，C朗返回更衣室途中，1位愛華頓小球迷拎住手機影佢。點知C朗突然發火，出手將對方手機打落地，導致毀爛，該名球迷嘅手背出現紅印，疑似受傷。
事後該名球迷嘅媽媽表示，囝囝患有自閉症，C朗亦冇向佢道歉，令佢非常唔開心，當時已經驚動警方，但並未有對C朗作出起訴。
由於事件引起軒然大波，英足總經過詳細調查後，認為性質惡劣，指C朗嘅行為不當，並涉及暴力，違反足總相關規例，所以決定起訴佢。
曾經有傳如果C朗罪成，可能被罰停賽4至7場，曼聯官方表示，已經了解事件，並支持C朗向英足總作出抗辯。