爭出線冇保留 葡萄牙精銳盡出轟炸捷克

20220924
東網電視
更多新聞短片
最強博彩盤路過關神器《串績王》:http://win.on.cc/football/ 
歐國聯A2組矚目大戰,捷克主場迎戰葡萄牙,葡萄牙依家1分落後榜首西班牙,為爭出線資格誓傾全力搶3分。葡萄牙今次精銳盡出,C朗拿度、般奴費南迪斯、貝拿度施華、迪亞高祖達等悉數候命,眾星為搶位踢世盃,落場會施展渾身解數博表現,加上葡軍近年食住捷克,客勝值得捧場。(周日凌晨2時45分開賽)
葡萄牙係首屆歐國聯冠軍,球隊陣容亦係全歐洲最豪華之一,位置競爭異常激烈,「新丁」好似柏度尼圖、域天拿、馬菲奧斯紐尼斯等必出盡全力,加上C朗同般奴費南迪斯等老大哥撐住,戰鬥力夠晒保證。
臨近世盃要谷起狀態
葡萄牙近6場比賽有4勝1和1負成績,臨近世盃要進一步谷起狀態,肯定唔會揸流攤。
捷克喺上年歐國盃決賽周殺入8強,表現令人眼前一亮,不過歐國盃後演出不斷下滑,近6場賽事1勝2和3負,王牌前鋒柏德列舒希克已經差唔多1年冇為國家隊上陣,即使今仗重返國家隊,佢今季喺利華古遜嘅狀態亦大不如前,捷克嘅鋒力難予球迷信心。
捷克雖然數字上仍有機會出線,但佢哋更實際嘅目標係避免降班,睇番兩軍近年交手成績,葡萄牙近3次對捷克全部贏晒,包括今年6月首循環送捷克2蛋,葡萄牙對住捷克有「格食格」味道,捧客勝係明智之選。