香港隊 展望亞洲盃 黃洋:盼成為香港球迷嘅「世界盃」

2022年09月24日 22:56
東網電視
更多新聞短片
(鄧文滔攝)
香港足球代表隊周六(24日)在香港大球場,與緬甸友賽互交白卷,球隊中場黃洋賽後承認對結果不太滿意。黃洋又呼籲球迷繼續支持港隊。希望來年的「亞洲盃」決賽周,能夠受到球迷重視,成為他們眼中的「世界盃」。
黃洋全場表現落力,協助港隊控制中場,這名經驗豐富的中場賽後指,球隊雖然能夠踢出主教練要求的風格,惟對最後賽果感到不太滿意,他又認為自己表現只值6分,僅屬合格。港隊即將在來年出戰「亞洲盃」,黃洋強調現階段絕不輕言滿足:「喺亞洲盃之前,我哋都唔會對自己嘅表現滿意,因為我哋知道,喺亞洲盃分組賽遇到嘅對手,係亞洲頂級水準。我哋呢段時間,只可以不停喺球會提升自己嘅體能,技術同戰術理解。」
談到相隔近3年,再於香港球迷面前獻技,黃洋期望球迷在今場友賽之後,可以在「亞洲盃」繼續支持港隊:「今次係一個好機會,令全香港嘅球迷聚埋一齊,希望可以凝聚成一股氣勢,支持我哋走到『亞洲盃』決賽周,我覺得下年嘅『亞洲盃』,係屬於香港球迷嘅世界盃。」